Monster Dash lèt deg ta rolla som ein liten figur som er utstyrt med ei pumpehagle og ein veldig lyst til å løpe, utan stopp. På vegen må du unngå hol, piggar og ei rekke ulike monster.

Det er ingen løyndom at Monster Dash henter ein heil del inspirasjon frå den store suksessen frå sist år, Canabalt. Du er nok ein gong ein person som spring frå plattform til plattform, kor det heile går berre raskare og raskare. I motsetnad til Canabalt har derimot Monster Dash nokre fleire saker opp ermet.

I Monster Dash er ein utstyrt med ei pumpehagle til å skyte monstera med, men ein kan òg plukke opp ulike våpen på vegen: her snakker ein om alt frå maskinpistol til ein kraftig revolver til ein maskinrakettpakke. I den siste oppdateringa til spelet kom det i tillegg ein motorsykkel av typen Chopper som ein kan plukke opp. Dermed ender ein opp med ein fyrsteklasses Terminator 2-scene.

For kvar 1000 meter ein klarer å overleve, verte ein transportert til ein ny lokasjon. Dei ulike lokasjonane har ulike bakgrunnar, ulike plattformar, ulike piggar og sjølvsagt ulike monster. I den egyptisk inspirerte lokasjonen til dømes er monstra mumiar, medan i bylokasjonen er monstra gode gammaldags zombiar.

Monster Dash hadde ein sjanse til å verte ein dårleg kopi av Canabalt, men klarer absolutt å skilje seg frå inspirasjonskjelda og gjere seg til noko heilt eige. Spelet er utan tvil verd pengane ein betaler. Det einaste som trekk ned er at spelet har ein tendens til å “spawne” monster for nære kvarandre til tider, noko som gjer at det er umåteleg vanskeleg å unngå dei utan å misse eit hjarte eller hoppe til sin død. Monster Dash får 4 ut av 5.

Vår vurdering av applikasjonen:

Last ned Monster Dash i AppStore

Følg iTelefonen på Twitter med brukarnamn @iTelefonen og Jon Stødle med brukarnamn @jonstodle.

Relaterte videoer:

• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom
• The Package – Pakkelevering med hjernetrim

Relaterte videoer:

• Monster Dash – løping, skyting og hopping pluss monster
• Siberian Strike – Arkadeflyging over fiendtleg luftrom
• The Package – Pakkelevering med hjernetrim

Siberian Strike er ei tilbakebringing av arkadespela som ein kunne finne på arkademaskinane i dei få stadane ein fann akrademaskinar i Noreg. Spelet har alt frå arkadekjensla når ein speler, til stemmen som gauler namnet på spelet, til kva alle tinga ein plukker opp er. Til og med den “cheesy” dialogen har ikkje utvore.

Dei som nokon gong har spelt eit arkadespel kjenner med ein gong att Siberian Strike. Spelet kunne lett glidd inn som eit spel blant arkademaskinane med den dårlege historien som er like mykje på spøk, som for å forklare kvifor ein flyr over eit kvitt landskap og sloss mot bossar som har russisk aksent.

Spelet går i hovudsak ut på å styre flyet du vel gjennom luftrommet i ulike banar, medan du skyt ned skvadronar av fiendtlege fly. På bakken kjem det òg etterkvart fleire fiendar som òg skyt etter deg for å få deg ned. Jobben din vert då å navigere rundt alle skudda som flyg rundt deg. Klarer du å skyte ned ein heil skvadron med fly, resulterer det i at du får ei oppgradering; anten i form av ei oppgradering av maskinvåpenet på flyet eller ein annan form for hjelp.

Du har plukker òg med deg såkalla megabomber som du kan bruke for å tøme skjermen for fiendar, dersom du skulle trenge å få litt pusterom. Det er òg mogleg å lade hovudvåpenet ditt opp slik at du skyt eit kraftig konsentrert skudd som gjer meir skade enn dersom ein hadde skote med vanlege skot. Bakdelen er at du må vente på at skotet skal verte klart.

På slutten av kvar bane møter du på ein motstandar som du må bekjempe for å kome deg vidare. Desse bossane har store, overdimensjonerte kjøretøy kun laga for å skyte deg ned. For å overvinne desse bossane må du skyte sundt fleire delar av kjøretøyet deira for å så øydeleggje heile saken.

Siberian Strike er eit spel som er laga for dei som savner arkadespela si tid og ynskjer eit spel som berre vert vanskelegare og vanskelegare til lenger ein kjem. Siberian Strike kan likevel underhalde oss andre òg som ikkje er like tålomdige og ikkje like begava dersom ein ikkje set spelet på den høgste vanskelegheitsgraden.

Vår vurdering av applikasjonen:

Last ned Siberian Strike frå AppStore

Følg iTelefonen på Twitter med brukarnamn @iTelefonen og artikkelforfattaren @jonstodle.

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• The Package – Pakkelevering med hjernetrim

The Package er eit spel som krevjer at ein tar i bruk det som er mellom øyrene. Målet i spelet er å få pakken frå start til slutt, noko som ikkje er ein lett jobb med vifter som bles og luker som må opnast før han kan nå fram.

I The Package får du tildelt ei rekkje med dingsar til å få ein pakke gjennom ulike banar med ei rekkje hinder. Dingsane du får tildelt er transportband, vindtunnellar og rampar, alt for å få pakken til målluka. Tilgangen til dei ulike dingsane er avgrensa, så ein må planleggje dersom ein skal ha nok utstyr til å få pakken fram.

Det er òg eit hintsystem innlagt i spelet. Ved å trykke på lyspæra opp i venstre hjørne får ein vist korleis pakken må gå for å kome til mål. Sjølv om dette øydeleggjer litt dersom ein ynskjer å finne vegen sjølv, gjer det likevel ikkje alltid oppgåva noko enklare. Sjølv om ein veit kor ruta går, må ein likevel finne dei passande dingsane til jobben.

Spelet er i såkalla 2,5D, kor spelet eigentleg er 3D, men vert vist i eit 2D-plan. RockPocket, utviklarane av The Package, har likevel klart å lage stilige 3D-effekter som får verda til å verke realistisk på tross av 2D-presentasjon. Det er spesielt stilig å panorere rundt i banane og sjå korleis ting vert gøymt bak vegger og objekt når synsvinkelen vert endra.

The Package vert skikkeleg hjernetrim; sjølv om dei fyrste banane startar enkelt, vert det fort vanskelegare. Spelet er av typen ein plukker opp med jamne mellomrom og med eitt finn løysinga på banen ein har stressa lenge med. Spelet er utruleg vel gjennomført og viser kvifor det vart trukke fram til “Featured”-seksjonen av AppStore.

Vår vurdering av applikasjonen:

Last ned The Package frå AppStore

Følg iTelefonen på Twitter med brukarnamn @iTelefonen og artikkelforfattaren @jonstodle.

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom

Parking Mania er spelet som lèt deg ta kontrollen over bilar som må navigerast gjennom ein labyrint av vegar, for å så verte parkert trygt på den oppmerka staden – alt dette utan å krasje for mange gongar.

Parking Mania starter enkelt, kor ein kun skal kjøre bilen rundt nokre få hjørner for å så parkere han att, men slik varer det ikkje for alltid. Etter kvart som ein jobber seg vidare nedover lista over nivå vert ikkje berre kjøreturane lenger, men hjørnene vanskelegare å kjøre rundt og parkeringane trongare.

I starten starter ein med å kjøre personbilar eller små varebilar, men lenger ute i spelet ender ein opp lastebilar både i form av kapellbilar og semiar. Ein må kanskje fyrst kjøre for hente ei tralle, for å så kjøre til eit andre punkt for å parkere bil og tralle. På vegen støyter ein på skarpe svingar og sjølvsagt ein mengde andre bilar og trafikk.

Etter ein av dei nyare oppdateringane vart det i tillegg lagt til ein del nye nivå, noko som bringer antalet nivå opp til 80, kor det neste er vanskelegare enn det forrige. På vegen får ein tildelt pengar på grunnlag av kort fort ein klarte nivået, kor mange gongar ein krasja og kor mange gøymte myntar ein klarte å få med seg i farten.

Parking Mania er det perfekte spelet å plukke opp når ein har litt tid til overs. Spelet lèt deg hoppe inn å prøve deg på eit nivå på kort tid, men du misser ikkje noko særskild progresjon om du med eitt ikkje har tid til å spele lenger. Spelet er vel eigentleg den perfekte pauseunderhaldninga.

Noko av problema med Parking Mania er at spelet krevjer at du held iPhonen snudd til høgre, noko som er litt uvanleg ettersom norma er å snu han til venstre. Dermed ender ein opp med å måtte lære å halde iPhonen på ny sidan handa med eitt dekkjer hovudtelefontilkoplinga. I tillegg har spelet nokre gongar ein tendens til å vere litt unøyaktig når det rekner om bilen er borti ein kant eller ikkje, noko som fører til litt frustrasjon i nokre tilfeller.

Parking Mania er eit spel kor ein får mykje for pengane, så det er absolutt den vesle verdien ein betaler for det.

Vår vurdering av applikasjonen:

Last ned Parking Mania frå AppStore

Følg iTelefonen på Twitter med brukarnamnet @iTelefonen og artikkelforfattaren @jonstodle.

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom

Need for Speed: Undercover er den siste installasjonen av Need for Speed-serien sine arkadeliknande kjørespel. Her er det råkjøring i beste velgåande, anten blant andre raserkjørarar eller for å unngå politiet.

Need for Speed har ei lange rekkje spel i serien, men i dei siste åra har spela ikkje hausta noko særskild bra kritikk på grunn av mangelen på innovasjon. NFSU for iPhone er på ingen måtar noko revolusjonerande og følgjer det som har vorte Need for Speed-formelen på 00-talet.

Tross for den tradisjonelle stilen er likevel Need for Speed: Undercover utruleg underhaldane. I spelet får ein sjansen til å kjøpe seg ein bil, for å deretter trimme han og style bilen til å sjå ut slik du vil. Sjølvsagt er det avgrensa kor mykje ein kan endre visuelt på bilen, men du kan likevel få eit noko personleg preg over han.

EA har heldigvis ikkje gjort kontrollane vanskelege ved å putte fullt av små knappar som skjermen som skal trykkast på for å styre bilen – her vert alt gjort ved trykking og dragning. Bilen aksellerer av seg sjølv og ein snur på iPhonen for å svinge. Ein bremser ved å trykke på skjermen, bruke lystgass ved å dra oppover og skrur ned farten ved å dra nedover.

Sjølv om ein kjører bil i alle løpa, varierer likevel typen heile tida, noko som gjer at kjøringa ikkje vert for monoton. I nokre løp er det duell mot ein anna kjørar, nokre gonger er de 4 som kjører fyrste mann til mål, eller i ei lukka løype kor ein kjører 3-4 rundar. Av og til får ein i oppdrag å levere ein bil utan å krasje han for mykje, medan politiet prøver å stoppe deg. Andre gongar må ein øydeleggje politibilar eller eigedom av staten for å skape eit rykte.

Need for Speed: Undercover er i alt eit spel som er overraskande underhaldane. I ein sjanger som har lett for å verte tørr, klarer NSFU å halde seg underhaldane over lengre tid. Need for Speed: Undercover får 4 ut av 5.

Vår vurdering av applikasjonen:

Last ned Need for Speed: Undercover frå AppStore

Følg iTelefonen på Twitter med brukarnamn @iTelefonen og artikkelforfattaren @jonstodle.

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom

Where’s Wally bringer den kjende bokserien til iPhone. Kven har ikkje satt seg ned med ei av dei klassiske bøkene og sett på bildene for å finne den vesle figuren med blå bukse rødstripete, kvit jumper og lue? No kan du endeleg gjere dette på farten.

Where’s Wally tek deg med på ei reise på kryss og tvers i ei lita verd med mange ulike stadar, folkeslag og hendingar. Kvar stad består i hovudsak av eit stort bilete med ei mengde små figurar som held på med ei rekkje ulike aktivitetar, slik ein kjenner att frå bokserien. Noko av det som har vorte gjort i overgangen til iPhone er å animere eit lite utval av figurane i handlinga deira, noko som bringer bileta meir til live.

På kvar stad veksler ein mellom å finne Wally og venene hans og å finne gjenstandar og ulike personar i bileta. Med jamne mellomrom trenger òg Wenda – jentevenen til Wally – hjelp til å finne ut kvar ho har teke bileta sine. Når ein hjelper Wenda vitjer ein stadar ein allereie har utforska med Wally.

Med jamne mellomrom dukker sjølvsagt Odlaw opp, Wallys erkefiende. Oppgåva vert då å finne Odlaw før tida går ut. For dei av dykk som vaks opp med Where’s Wally bør ikkje noko av dette vere overraskande stoff.

Where’s Wally lèt deg spele i to ulike modusar kor den eine modusen – “Kids” – avgrenser området ein leiter på, slik at det ein skal finne, om det er Wally eller ein gjenstand, er lettare å finne. I den normale modusen må ein leite gjennom heile biletet når ein skal finne dei ulike personane og gjenstande som er gøymde i biletet. Ein kan på denne måten sjølv velgje kor vanskeleg ein har lyst til å gjere det for ein sjølv.

Where ‘s Wally for iPhone bringer tilbake gode minner frå bardommen, medan det framleis gjer nye minner og god underhaldning. Spelet er òg ein flott måte å vidarebringe Wally og hans vener til ein yngre og meir digitalt retta generasjon. Spelet kan verte noko monotont, men dersom ein set seg ned og verkeleg ser på bileta kan berre tekningane bringe ein del underhaldning i seg sjølv. Dersom ein i tillegg speler i normal modus kan ein verkelg få seg nokre harde nøtter før ein klarer å finne nokre av dei vanskelegare personane i bileta som kjem eit lite stykke ut i spelet.

Where’s Wally er eit solid spel, noko som gjer det til ein 4-ar ut av 5.

Vår vurdering av applikasjonen:

Last ned Where’s Wally frå AppStore

Følg iTelefonen på Twitter med brukarnamnet @iTelefonen og artikkelforfattaren @jonstodle.

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom

Guitar Hero er iPhone-utgåva av den kjente serien som har vorte gitt ut dei siste åra til spelkonsollar. Sjølv om iPhone-spelet ikkje bringer noko særskild nytt til bordet, er det likevel eit friskt pust, sidan ein no kan ta med seg den kjente serien på farten.

Guitar Hero for iPhone følgjer oppskrifta til dei fyrste spela i serien kor ein vel om ein vil spele gitar eller bass og vel kor vanskeleg songen skal vere å spele. Etter ein er ferdig å spele får ein poeng basert på kor godt ein gjorde det. Desse poenge hjelper deg å auke nivå, som igjen gjer deg nytt utstyr til å utruste karakteren din med.

Under “Backstage” kan ein endre utsjånaden på karakteren, slik du ynskjer han til å sjå ut. Til høgre nivå du har, jo meir utstyr har du tilgjengeleg. Etter at du har endra på utsjånadent til karakteren din kan du ta eit bilete av han som du kan lagre til iPhonen din.

Guitar Hero  òg ei rekkje med utfordringar eller “Challenges” for deg som spelar. Ved å utføre desse kan du vinne til deg ekstra poeng for å nå nye nivå. Det er satt opp ei liste over alle utfordringane per song, kor det er ulike utfordringar for gitar og bass. Det er òg eit såkalla “Rock Oracle” som kan gje deg tips om kvifor ei utfordring du bør prøve deg på.

Spelet kjem òg utstyrt med ei rekkje samfunnsfunksjonar slik at du kan dele dine prestasjonar med resten av verda eller berre vener. Det er mogleg å knytte spelet opp mot Facebook slik at det vert enkelt å poste til samfunnet dersom det er ein poengsum du er stolt av. Det vert òg haldt topplister, slik at du kan måle deg mot resten av verda som speler Guitar Hero.

Det er heller ikkje eit moderne spel utan ein vevbutikk kor ein kan kjøpe songar til å spele. Guitar Hero er billig, men det kjem med få songar. Det er meininga ein skal invistere meir når ein har først kjøpt spelet for å auke utvalet med songar ein kan spele. Utvalet kan ikkje måle seg med det ein får på tv-konsollane, men det som er inneheld kjende artistar og nokre av topplåtene deira. Her kan ein velgje mellom alt frå Coldplay til Queen og Rise Against.

Guitar Hero for iPhone introduserer óg nye funksjonar medan ein speler. Sidan ein no speler på ein rørsleskjerm, opnar det for nye måtar å interagere med brettet. Ein kjem no over noter kor ein må “flicke” fingeren for å spele og noter kor ein må dra fingeren mellom fleire noter. Det heile bringer noko variasjon til den monotone trykking som elles gjers.

Guitar Hero er eit spel som faktisk er ganske morosamt å spele og er ein villig kan ein få eit lite, men respektabelt, bibliotek med kjende songar som er morosame å spele. Det einaste problemet er at spelet kan hakke litt, til og med på iPhone 3GS, men spelet kjører mest sannsynleg glatt på den nye iPhone 4. Spelet får 4,5 av 5.

Vår vurdering av applikasjonen:

Last ned Guitar Hero frå AppStore

Du kan følge iTelefonen på Twitter med brukarnamnet @iTelefonen og artikkelforfattaren @jonstodle.

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom

I Mega Jump styrer du ein liten dinosaur-liknande skapning som høpp på myntar som svever i lufta. Heile målet er å kome høgast mogleg slik at ein oppnår høgast mogleg poengsum. Dei fleste av dykk vil kjenne dette att frå mange spel som har vart populære i AppStore for ei stund tilbake.

Mega Jump sloss i ein marknad som allereie er full av gode spel som allereie har byggja ein solid brukarmasse og popularitet. Mega Jump prøver likevel å skilje seg ut frå mengden: dei har gått for ein stil som ikkje berre er gjennomført, men òg ser ut som om han har vorte arbeida med; i ei av dei nye oppdateringane fortèl dei at grafikken har vorte oppgradert til å sjå betre ut.

Medan ein flyg oppover kan ein òg plukke opp oppgraderingar og her er det ikkje snakk om ein oppgradering no og då, det er oppgraderingar heile tida. Det er på nivå med at ein plukker dei mest med uhell. Alle oppgraderingane derimot hjelper spelet til å verte meir morosamt, ettersom det nesten heile tida skjer noko med dinosauren din.

Under “Extras”-menyen kan ein finne fleire figurar ein kan spele med. Nokre av desse kan låsast opp, men mesteparten må ein kjøpe for 6,- kroner stykket. Figurane endrer ikkje på spelinga, det er berre kosmetisk. Ekstraane inneheld òg ei lita samling med bakgrunnar du kan lagre til iPhonen og bruke dei som låseskjermbakgrunn.

Alt i alt er ikkje Mega Jump noko nytt og det bringer ikkje noko særskild nytt til bordet. Spelet er kopla opp med OpenFeint slik at ein lett kan samanlikne seg med vener frå Facebook og Twitter eller heile verda, men det vert uinteressant i lengda. Spelet har ei underhaldningslengde på nokre spelingar og deretter vert ein lei av å prøve å få dinosauren til å samle myntar. Mega Jump får 2,5 ut av 5.

Vår vurdering av applikasjonen:

Last ned Mega Jump i AppStore

Følg @iTelefonen og @jonstodle på Twitter

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom

I TrafficRush er jobben din å halde orden på trafikken i travelt trafikkryss utan signallys. Bilar, motorsyklar og lastebilar kjem bokstaveleg talt frå alle retningar og det er din jobb å få dei gjennom krysset utan at dei krasjar i kvarandre. Konseptet er enkelt å forstå, men krever god timing for å klare å oppnå høge poengsummar.

Du har svært avgrensa kontroll over kjøretøya som kjem inn i krysset. Du kan anten trykke på dei for å få dei til å stopp ei lita stund eller du kan trykke på dei og dra fingeren i kjøreretningen og kjøretøya gjer ekstra på, slik at dei kjem raskare fram.

Når ein først starter er det berre nokre få kjøretøy som kjem om gongen, men til lenger ut ein kjem i spelet, jo fleire kjøretøy kjem på ein gong. Som om ikkje det gjorde ting vanskelegare held kjøretøya ulik fart. Nokre gongar kan det kome ein sportsbil eller ein motorsykkel i stor fart og øydeleggje heile systemet ditt. Andre gongar kjem det ein treig lastebil som ikkje kjører fort nok til å halde orden i systemet.

TrafficRush har eit stort problem: det er berre eit kryss å halde orden i. Spelet er morosamt og interessant i starten, men det vert likevel fort gammalt ettersom det ikkje er noko variasjon i spelet i det heile.

Spelet held ein liten statistikk som det kaller for morosame fakta, men som i realiteten er kor mange kjøretøy ein har “redda”, kor mange gongar ein har fått dei til å kjøre fort, kor mange gongar ein har spelt og kor lenge ein har spelt totalt.

Spelet har òg internasjonale toppoengsumlister som ligg på nettet, men det er irriterande at vert sendt ut or spelet og inn i nettlesaren for å få sjå dei. Det morosame derimot er at ein har ei eiga toppliste for Noreg, slik at ein kan sjå korleis ein gjer det mot andre her i landet.

TrafficRush klarte å underhalde meg i ti minutt før eg vart lei. Etter det var det berre speling for å sjå om det verkeleg ikkje var meir dybde i spelet enn det eg såg med fyrste augekast, noko det ikkje var. TraficRush får 1 ut av 5.

Vår vurdering av applikasjonen:

Last ned TrafficRush i AppStore

Følg @iTelefonen og @jonstodle på Twitter

Relaterte videoer:

• Monster Dash – løping, skyting og hopping pluss monster
• Emanuel Desperados Utfordring – klarer du halde tunga rett i munnen?
• Siberian Strike – Arkadeflyging over fiendtleg luftrom